طالبة حصلت على معدل 99% بعد 4 سنوات..!!

مرحبا اني طالبه سادس علمي نجحت بمعدل 99 بعد معاناة وجهد وتعب 4 سنوات
.
.

اني مستواي وسط لاشاطرة ولاضعيفه بينما وسط او بالاحرى كنت ما ادرس (اسخت)😂من دخلت اعداديه الرابع والخامس تسخيت بس بالامتحانات ادرس وانجح المهم اسمه نجاح دخلت السادس طبعا اول سنه دخلت محاضرات كلفتني المبالغ رغم جنت خابصه نفسي واني ماادرس كاضيتهه على الفون واقنع اهلي انو انا ادرس محاضرات ع الفون المهم اول سنه طلعت معدل 62 ومؤجله مادتين من شفت الدرجات وصديقاتي كلهن طلعن معدلات ضجت وكلت لازم ادرس وكذا .. طول الواهس تقريبا شهر هههه وراهه رجعت اسخت بالسنه الثانية
خلصت المراجعة واني مدارسه وسوس بالي شيطان وتعرفت ع شله تعبانه كالو سماعه وتنجحين وكذا من هبلي صدكت المهم اشتريت سماعه وما ادرس طبعا رفقه السوء تدمر المهم متوفقت ودعيت الله بس تخلص ومانلزم يوم تشويش ويوم تطفه المهم الله يحبني مرادني انجاح بالغش بس تندمت حيل اهلي مدرسيني متوقعيني طبيه لان اني اذا اقرأ كارثه اجت النتائج وجان اصعب يوم بحياتي طلع معدلي 63 وجنت ماجله 3 مواد طبعا المواد قريتهم بليله الامتحان يعني السماعة ابد مستعملته اخليه وطافيه او يشوشون المهم جان اصعب يوم شماتي الناس ابوي تمرض بسبب هل شي تالي كوة قنعت بابا حته اعيد وبعد ما توسلوا مدرسين بوالدي وبيبيتي حاجيته قبل ووعدته اطلع معدل طبعا بدت السنه الجديدة اني استمريت الى نصف السنه اني درجاتي كامله مدرسيني تفاجئوا رجعت بقوة وحافز قبل امتحان نصف السنه صارت عندي حاله وفاة طبعا دمرت نفسيتي شي غالي عندي وفقدته دمرت تحطمت ايست حته من الحياة المهم اني كضيتها مستشفيات ومن الصدمة الى قبل 15 او 12يوم من الامتحانات درست وطلعت معدل 65 السنه الثالثة وماجله 2
المهم جان الي صديقه اعز من روحي حاولت تقويني وقبل الدور الثاني اجت كالت هذا مو حلمنه لازم نعيد اني هنا بديت افكر انو لازم احقق حلمي وهذا لازم احققه ولازم المهم كلت الاهلي رفضوا والدليل والدي من حركته لان عاندته صعد الى غرفتي شكك الكتب كال بعد ماداومين بس اصريت وامي اخذت فوني وكلت اتحمل واني جنت متوقعه هل شي من اهلي لان رادوني بس اطلع اخلص من كد ما تعبت وحقهم قلت ثقتهم اخوي كالي كول سنه تفشلينه طلعي خلصينه بس السنه الثالثة حيل اذوني اهلي لان والدي بالايام النتائج مطلع امي بس تبكي اهلي مايطلعون وحقهم المهم اتقبلوا الامر اول هددوني مداومين ومن هل كلام بس جان الي اعز صديقه هيه تقويني واقويهه هيه جانت سنه ثانيه وبدينه ونخطط اني وياهه تالي بلش الدوام كالوا داومي باثناء الدوام محد اله غرض بيهه اسمع اي نفس كول سنه واني جنت اجاهل الكلام لان ردت ارد بالنتيجه ما احس الا السنه خلصت بسرعة اقرا 5 ساعات او6 ساعات اكمل تحاضيري اطور نفسي اطلع خارجيات بكول تحضير صرت متمكنه من كل تحضير وامتحان وامتحن وي كل شعبه احنه جنه 4 شعب كل شعبه امتحانهم وحد اني اليوم عندي امتحان امتحن ب4 اسئله وي 4 شعب المهم اجت اخر السنه مراجعتي 70 يوم وجنت بواهس حيل بديت لان كلت لازم هاي اخر فرصه الله خلاني بيهن طبعا وماكلكم الصلاة والتقرب من رب العالمين بهل فترة اهم شي جنت كول ماانكسر الجأ الى الرب العالمين وصديقتي كتلكم كل ما اضعف اني ويانه وحده تقوي الاخ (هذا دليل ع الرفقه الزينه )
بايام الامتحانات اقره ويكولون نفس كل سنه المهم وجان بيوم النتائج الكل يستهزئ بس اني جنت متاكده اطلع الاولى ع العراق لان نطلع اني وصديقتي معدنه اي خطا حته بالرياضيات اسئله كولهه شطبت واني وياهه طلعناه معدنه خطا المهم اخوي يكول الي اطلعين السنه 0.0 وامي تكول اله ان شاء الله خير واخوي الاخ يكول لا هيه السنه طلع 67 هيه كول سنه زود ثنين اني متت من الخوف ما اكدر اجاوبهم ابوي لف راسه ونام من كد ممأيس مني تالي من القلق كعدته ابجي كتله استبشر بيك خير انته افتح الرابط فدوة كعد وماما يمه واباعلهم اباع البابا صافن واباع الامي تباع الابوي وتبجي اني هنا متت خوف كلت خلص اني نتهيت خلص حلمي ضاع جان بابا يكولي لج معدلج 99 ورهف صديقتج 98 جان اني اركض للمصلاة اصلي وابجي وبابا يكمز واخوي طلع مصلخ للشارع لزم مسدسه وضل يركص ويرمي هههه مااوصف واني ع المصلاة وكل ساع يجي شخص يشبكني مدرسين نخبصوا خبص كلساع ع الخير حققتي حلمج انتي فخر اني هنااا ماعرف بس ابجي ابوي هنا اغمه علي من الصدمه و3 ايام هوة بلمستشفى كول مايشوفني يرجع يغمه علي اخر شي طردوني من يمه 😂يالله شعور مينوصف نفس الناس الكالوا فاشله نفسهم يغنون ويركصون الله ليحرم طالب يتعب من هلفرحه بجاه الحبيب المصطفى اسفه طولت عليكم بس حبيت اشرحلكم قصتي باادق التفاصيل

فيسبوك