الطالب ليث محمد 🌺❤️
الرابع على العراق لسنة 2015 بمعدل 99.71
ركزوا بكلامه 👇👇👇
السلام عليكم اني اسمي ليث محمد رابع على العراق بسنة ٢٠١٥ و هاي قصتي ويا السادس.....
اول شي اني جان مستواي مو كلش بالاعداديه و المتوسطه يعني جنت اصلا اعلى معدل وصلت اله جان ٩٠ يعني مجنت متخيل انو اصير من الاوائل على العراق لان اصلا مواصل لهيج معدل قبل و جنت متخيله مستحيل..
بس من اجه السادس قررت انو هاهيه اجه وقت القرايه و بديت اقره.. طبعا بوقتنه جان اكو اعفاء كلي لليجيب معدل فوك ال٨٥ فانعفيت و دخلت دورة فرنسي قبل متبدي دورات الخصوصي و وره مكملت الفرنسي خلال شهر دخلت رياضيات و عربي و فيزياء و كيمياء و احياء و جنت عندي عاده انو ماخلي شي يعبر عليه بالخصوصي اذا مضابطه و جنت اذا امتحان ماجيب بي ١٠٠ او قريب على ال١٠٠ اعيده مره و مرتين لحدما اخذ ١٠٠ واعيفه و هكذا كملت فتره الخصوصي طبعا جنت استخدم الموبايل و طلعت مره وحده وي اصدقائي بسنتنه تاخر الدوام لحد ١٠/٢٢ فهاي الفتره وره الخصوصي حالي حالي غيري مليت من الدراسه و كمت اسخت فكلت استغل الوقت احسن فدخلت دوره انگليزي و دخلت احياء بس وراثه لان بالعطله مادرست الوراثه و عفت الموبايل طبعا بهاي الفتره و ماستخدمته لحدما خلصت السادس(اني ارشح انو تنطوا لاهلكم مو انو تضموا عدكم) بالدوام طبعا جانت اكو محاضرات الكيمياء لان مالحكت اخلصهة بالعطله اضافه للانكليزي و الاحياء يعني صار ٣ مواد ادرسهن بالدوام اضافه الى الواجبات اليوميه فتعبت كلش يعني بحيث نزل مستواي بالدراسه بالفصل الاول و مجانت يعني درجاتي كلش عاليه لذلك الميجيب درجات عاليه بالمدرسه مو معناهة انو بالوزاري محيجاوب
طبعا مجانت اكو امتحانات نص سنه بوقتنه فيعني ماده الفصل الاول ممتحنت بيهة زين بس يعني جنت زين بيهة من ايام الخصوصي. بالعطله مال نص السنه قريت نهايات المواد لان اصلا بالفصل الثاني كلنه ندري انو بالمدرسه متلحكون تكملون الماده فجنت حاسب حساب هذا الشي... وراهة يوم ٤/١ انقطعت عن المدرسه و بديت اكمل المواد بالبيت لحد يوم ٤/١٥ كملت المواد و خليت جدول مراجعه طبعا سويت مراجعتين و جنت اقرة باليوم ١٢ ساعه انام ب١١ و اكعد بال٦ اقره ٤ ساعات و راهة نص ساعه استراحه وراهة ساعتين قرايه وراهة ساعتين و نص استراحه وراهة ٣ ساعات قرايه وراهة ساعتين استراحة وراهة ٣ ساعات قرايه و انام ثابت ب١١ و لمده ٧ ساعات ضبط هاي فتره المراجعه كلهة هيج و حته بالامتحانات جنت انام ٧ ساعات و اعتقد هذا جان اهم عامل خلاني اجيب معدل لان جنت انام زين و اروح للامتحان بالي صافي و عقلي مرتاح فاكدر اتذكر معلومات حته من ايام الخصوصي من كملت المراجعه الاولى و بديت مراجعه ثانيه حسيت انو المواد ناسيهن و خفت كلش يعني كلت اذا اني بالمراجعه الثانيه و بعدني دا انسه شلون حجيب معدل لعد بس يعني استفاديت اكيد لان المراجعه الثانيه نشطت بيهة معلوماتي و من قريت للامتحان صرت كلش زين لان اني عندي قاعده انو اليريد يجيب درجه زينه بالامتحان لازم يقره ٣ مرات قبل الامتحان، مره المراجعه الاولى و مره بالمراجعه الثانيه و مره بيوم الامتحان
طبعا بيوم الامتحان جان اهم شي عندي انو التزم بالوقت و اكمل الماده يعني جنت الوقت العندي اكمل بي الماده حتلو مجرد بالنظر بس المهم تكمل .. ماخلي شي متمر عليه عيني و جنت انام نوم كافي ٧ ساعات و من اروح للامتحان اكيد التسبيحات هواي جنت اسويهة.. و لازم واحد يقوي ايمانه و يتقرب من الله، مو شغله عباده مصلحه بس هاي تره فرصه انو تتقربون من الله سبحانه و تعالى لان الله ينتظرك الله يحبك و يريد يساعدك و ينتظرك انو تطلب منه المساعده فلا تستحي انو تطلب منه لان هوة اقرب الك من حبل الوريد طبعا بالامتحانات جنت ماناقش الماده وي الطلاب قبل مادخل للامتحان ولا بعد ماطلع من الامتحان و كذلك جنت ماقره الاسئله كلهة مثل البعض انما اقره السؤال و احله وراها انتقل للوراه و هكذا و مجنت ابد افكر بالتاجيل لان مجرد واحد يحط هيج فكره بباله يأجل فكلت اطب شحصل احصل و الحمد لله حصلت معدل كلش زين و انقبلت طب بغداد.
......
One difference between roulette and all other table video games 원 엑스 벳 is that roulette chips haven't any worth denomination printed on them. This truly is the true definition of a chip, one which signifies its worth is technically known as a verify. The roulette table comes with six to eight sets of different coloured chips, every set consisting of 300 chips.
ردحذف